空中服務員票選客人最差行徑TOP5!你又做過邊樣?

1-5

搭飛機好多人成日話啲空姐方向口方向面好似欠咗佢咁,咁其實大家有冇諗過原來你已經做咗空姐空少心目中最差行徑呢?究竟有邊幾樣係TOP 5?有節目請咗批空姐空少們票選「空中服務員票選客人最差行徑TOP5」!點解咁討厭?今日請黎資深空姐W同大家講吓點解!去片!

1

圖:小明星大跟班(中天電視)

1. 要求隨身行李放自己位置

好多時啲客可能購物好開心遲咗登機,拎住一袋二袋行到自己個位就發現自己上方行李位放港咗行李,然後就會問空姐「點解我個行李位畀人霸咗」。其實我地真係冇可能幫所有客睇實邊個位係邊個客人,而且有啲飛機上方真係冇行李位真係要放其他地方。如果客人真係咁介意,我地建議都係早啲登機。

2.要求制止旅客發出嘈音

我地都明白,長途機有時乘客發出嘈音我哋都會協助處理,例如幫佢移動到其他座位,當然唔會Upgrade啦。而小孩方面,因為艙壓問題小朋友係會唔舒服,喊係正常亦都好難出面處理。畀個小貼士啦,通常第一行都係嬰兒座位,食正喊聲機會都大少少嘅…

3.要空姐幫忙搬行李

公司規定唔可以幫乘客搬行李,其實原因好簡單,因為好容易工傷,佢哋亦都唔想賠。我地都會請乘客一齊搬,而唔會自己搬架。因為腰呢,大家都得一條,個個都要我哋搬,我哋好易受傷架…

4.愛跟其他航空比較

呢個成日都發生,有時做短途,話點解我哋得個雞卷小食盒,人地X航係熱餐,其實飛機上廚房係heat餐,唔係即叫即製,你同我抱怨我都幫唔到你。咁每個人都有選擇權,唔鐘意搭我哋,其實都可以有好多選擇呢…係咪?

5.乜都要一份

我又咁睇,有時候老人家第一次搭飛機好好奇,樣樣都想試其實我哋都好樂意serve佢嘅。最頂唔順係一啲J客,點完啲飲品之後飲一啖就唔要跟住又要第二杯,浪費食物之餘又浪費大家心血。

唔知以上嘅行徑,身為乘客嘅你又點睇呢?

您可能也會喜歡…