福岡山陽關西玩住上 – 大阪最終回！
去唔到熊本點算好? 轉戰廣島岡山再直上大阪一樣掂
(毒L專用路線圖) 之[四](完)
旅程：福岡>小倉>廣島>岡山倉敷>大阪(各下在此)
時間：８日
話咁快就黎到最後一集啦，小編真係唔捨得大家呀！今集帶大家搭ＥＶＡ火車，同埋做個總結比大家啦。
講下先，ＥＶＡ火車行既路線其實正正就係山陽山陰線即係由博多去到新大阪！而且我地買左個個ＪＲ山陽山陰ＰＡＳＳ係包埋ＥＶＡ火車既自由席嫁！！！！！無錯～唔駛額外比錢嫁！唔係唔坐呀麻！
先比左個官網大家，上面有開車既時間表同埋抽坐第一卡既1:1駕駛倉！無錯，個駕駛倉係要抽先可以坐。
開車既時間表，有NERV Logo既日子就有ＥＶＡ火車坐
開車時間，每日一班。博多開既比較早，6:36開，新大阪開既就11:32。如果博多住既朋友就真係要早少少起身啦。小編係廣島上車8:24開車唔駛咁早。
去到月台就見到ＥＶＡ火車等緊我！嗚啊。
一路影埋個車身比大家睇。
架車用番初號機隻色為主。
其中有一卡就變左白色，似條插入栓咁插入初號機到。
落車再影多張，正面睇比較圓。
入左第一卡，係展覽室同埋坐駕駛倉既地方。
仲有明日香同你合照。
展覽室有模型幻想如果真係地式有部初號機會點。
幻想如果要運初號機會點，要三條路軌。
仲有好多展板。
裡面既裝修都好ＥＶＡ ＦＥＥＬ，呢到係第２卡既門
第３卡既門又有啲唔同。
車卡入面都裝修到ＥＶＡ ＦＥＥＬ，不過啲箭咀得第２卡先有，第３卡已經冇左lu。
入左第１卡佢仲會比本小冊子同兩張post cards，超正！
遮光罩，不過就唔見上網睇到有ＡＴ ＦＩＥＬＤ款。
要影既地方真係有好多，真係每一個角落都見到ＮＥＲＶ既ＬＯＧＯ
窗邊都有
食番個火車便當先，不過味道又唔算太好食，價錢都唔算平，過千Yen
轉眼黎到大阪，不過小編只係短短留左半日食左兩餐就番廣島啦。係到小編介紹番兩間非常唔錯既餐廳比大家。第一間係東梅田既 “亀すし総本店” 呢到既壽司大件又新鮮，首推佢既ＴＯＲＯ，你睇幾大舊。
另一款比較特別既係生蝦壽司，因為師傅係拎隻仲識郁既蝦係你面前生剝佢比你食，上碟個陣仲有少少郁緊．．．小編都係叫左先知原來咁整。
另一間都係係梅田既 “近畿大学水産研究所” 最特別既就係呢到既魚生都係呢間研究所研製出既基因改造魚。
睇個樣都知幾好食啦，每盆都有張証書嫁，你睇下左上ＴＯＲＯ啲紋。唔駛講野。
張証書係啲魚既畢業証書，我諗係上水個日。。
呢到仲有其他野食既，就好似呢碟小鹿斑比．．．．不過鹿肉真係太exotic 都係食番魚啦係呢到。
再show下小編係Mandarake既戰利品，一隻買唔番既CD，300YEN !!!!!!!
最後做番個總結比大家啦。
第1-3日
博多：購物為主，博多站AMU，天神站地下街
店舖推薦：Pokémon Center, Tokyu Hands, Atmos, Mandarake, Bookoff Super Bazaar
第4日
小倉：旦過市場，小倉城，あるあるCity
廣島：放低行李食個飯
第5日
廣島：宮島，和平公園
第6日
岡山倉敷：美觀地區
第7日
大阪：EVA火車，食野＋基本上可以買野既地方。比如梅田，心齋橋，動漫街。
好啦今次講住咁多，如果有機會小編再帶大家周圍去！
(福岡山陽關西玩住上 – 完)
