獨家踢爆 – 網上旅遊保比價平台呃人!邊度買旅遊保最著數?

又到我哋獨家踢爆嘅環節,去旅行買旅遊保險是常識吧!好多人都會去聲稱所謂公平公正嘅「網上旅遊保比價平台」格價,貪佢數字唔呃人嘛!不過我哋調查發現,佢地所謂嘅數字同官網出入好大!涉嫌利用錯誤報價誘騙消費者作錯誤選擇,我哋立即踢爆!

離譜!最貴變最平!

  • 錢銀英雄(化名)格價平台擷圖

我哋抽樣調查兩個「網上旅遊保比價平台」,並以其中一款產品「AXA」「卓越」優遊樂旅遊保險典雅計劃作測試,我哋首先去「網上旅遊保比價平台」錢銀英雄(化名),發現其格價後收費係$127.6,比其推薦的「合作商戶」價錢更貴。但如果在AXA官方網頁購買,同樣項目價錢只係$102.44,如果你真係信「網上旅遊保比價平台」嘅公正性,咁就畀人呃咗喇!

  • AXA官方網站擷圖

無恥!呃多你近百蚊!

  • 高啤(化名)格價平台擷圖

我哋發現,呢類「網上旅遊保比價平台」涉嫌係有集團式用同一手法欺騙網民:好似「網上旅遊保比價平台」高啤(化名),選擇蘇黎世保險「樂優遊+」單次旅遊保險金計劃,佢嘅格價費用係$205,但同樣地去到官網,同樣計劃,只係收$143,平咗成六十蚊一個人呀!嘩!你狼唔狼啲?

  • 蘇黎世保險官方網站擷圖

格價?要靠自己!

今次我哋又成功踢爆「網上旅遊保比價平台」嘅消費陷阱,都係一句:唔好以為有人上門遞埋畀你就叫正,要落足眼力格價,唔係隨時變羊牯呀!

您可能也會喜歡…