[會籍操作]寰宇一家唯一「永續」會籍:淺評日本航空JAL Global Club

我哋之前成日講過好多次唔係叫人跑英航同日航,係咪真係咁差?當然不是!日航是個好東西來的!今日就同大家講吓寰宇一家唯一「永續」會籍:日本航空JAL Global Club。

咦?日航的哩程計劃不是叫「JAL Mileage Bank」嗎?「JAL Global Club」是什麼?

嗯,簡單點說,這個問題和「Asia Miles」與「Marco Polo Club」其實是一樣的,一個是「兌換機票」服務,而另一個是「飛行常客計劃」。JAL Global Club的好處是可以永續寰宇一家藍寶石會籍,每年只要用少少積分就可以永續會籍,唔洗好似Marco Polo Club咁年年跑600分咁辛苦

哈哈哈哈哈!好嘢嚟嫁!

咁點申請做JGC會員?Sorry呀,BY INVITATION,要日航書面邀請先可以。

咁又唔洗咁失望,我哋教你點樣踏入上流上會吧(笑)。

日本航空環球俱樂部JAL Global Club

閒話休提,如果你想永續寰宇一家藍寶石會籍,你需要在每一年1月1日至12月31日期間,擁有日航50000FOP(Fly On Points),先會獲邀為JAL Global Club會員資格。FOP同里數唔同,FOP類似國泰Marco Polo Club的會籍積分。而在50000FOP入面,至少有25000FOP係由日航航班賺取的。

點樣賺取FOP呢?我哋可以咁樣理解:

  1. 乘搭日航內陸航線:
    FOP:飛行哩程 x Booking Class獲取哩程百份比 x 2 + 400額外FOP獎賞
  2. 乘搭日航亞洲及大洋洲國際航線
    FOP:飛行哩程 x Booking Class獲取哩程百份比 x 1.5
  3. 乘搭日航(亞洲及大洋洲除外)國際航線/寰宇一家夥伴航空公司任何路線
    FOP:飛行哩程 x Booking Class獲取哩程百份比 x 1

大家可以見到,內陸線係抵玩好多好多倍。既然你至少都要跑25000FOP,倒不如跑晒做日航啦!如果想查詢自己搭嘅日航班機拎到幾多FOP,可以按這裡。當你跑到50000FOP後,就會收到航空公司的書面邀請(收唔到要打上CS追呀),填表寄回並以5000日航JMB哩程(唔係FOP呀)作為入會費成為日航JGC Sapphire(與寰宇一家藍寶石會籍對等)。第二年開始如果跑不足50000FOP,可以每年以5000日航JMB哩程續會降級日航JGC Crystal(與寰宇一家藍寶石會籍對等)直到永遠(暫時係咁啦)。

日航JMB哩程唔難儲,JGC會員每年搭首次日航航班(包括所有由日航開票的共掛航班)會送額外3000哩數,剩下的你鐘意開張JMB信用卡儲分又得,搭國泰馬航美航等寰宇一家成員都儲到,所以問題不大。

不用分那麼細,大家都是藍寶石。

重點:點樣又平又快手快跑50000FOP?

最緊要當然選擇一條啱嘅路線。嗱,身為非日本國國民有個好處,就係JAL Japan Explorer Pass,你可以用平價買內陸機票(而且仲係100%哩程的呢),詳情呢邊

由沖繩出發來回福岡,連稅約$1600港幣一程來回,每日三程經濟艙,每日會得到8884FOP;如果你沖繩出發三班想舒服啲,每程用1000JPY搞即場Upgrade Class J(褔岡得一小時轉機時間其實好夠嘅,不過睇大家未夠藝高人膽大唔敢搞Upgrade啦),每日有9188FOP,咁樣飛夠每日3班來回6日,就可以邁進永續寰宇一家藍寶石會籍嘅門檻喔~

你嘅總投資額係:

1.1套快運來回沖繩特價機票連稅:$946
2.18套沖繩來回褔岡機票連稅:$28800

即係三萬樓下已經可以有喇!

老老實實,連續六日要咁飛…

這就是我仍然冇動力由Marco Polo Club跳去JGC的原因…Orz

記住 記住 記住 FOP係每年1月1日至12月31日計算

如果你響每一年1月1日至12月31日飛唔夠50000FOP,你都係得唔到invitation架,一定要清楚!

今日出稿日(29/12),係一個唔錯嘅時候Plan定JGC嘅部署呀!

JGC Sapphire係咪等同國泰Marco Polo金卡?

在寰宇一家會員層面,呢句嘢係啱嘅。但在Upgrade方面,你唔好諗太多啦!

有日航空姐同我講過,每班機上都有好多二三十年的JGC尊貴鑽石卡死忠,Upgrade真係未輪到你(笑)

同樣地,在國泰的班機上,你拎張JGC Sapphire搏Upgrade的話,地勤應該會Up咗Marco Polo Sliver先。

如果你想要行李額、貴賓室同優先登機等待遇,的確兩者分別不大的。

但如果要搏Upgrade的話…

如果我唔想飛咁多,咁可以點做?

其實話明飛行常客計劃,你唔想搭咁多次飛機、唔想做常客,咁你想點呢?

你會唔會去錯咗地方呀?

如果你唔係想要會籍,淨係要貴賓室的話,點解唔申請張美國運通白金卡

佢有全球Priority Pass貴賓室禮遇、酒店金卡會籍,最緊要唔洗跑嘛!

您可能也會喜歡…