如何多快好省地快跑星空聯盟金卡?韓亞航空俱樂部/新加坡航空KrisFlyer淺談

對某啲人嚟講,航空會籍一向都係一個身份象徵,繼之言就有好多人為咗個航空會籍嘅相對優勢(例如Lounge、優先登機、優先選位等)去不停跑會籍。今日我哋就會講吓我哋香港作為冇星盟本地航空公司比較易拎到星空聯盟金卡嘅兩個會籍:韓亞航空俱樂部同埋新加坡航空KrisFlyer。

不過講之前,都要講吓星盟金卡嘅好處:

✅專屬登機櫃位
✅優先登機
✅額外行李額度及優先行李處理
✅聯盟成員機場貴賓室(部分航空公司獎勵旅程不適用)
✅優先訂位候補/優先候補
✅貴賓專屬通關通道 (僅限指定機場)

如果你搭開商務艙的話,以上問題根本就唔係問題,因為上面嘅嘢基本上都包晒。咁即係,如果你成日搭開星盟的經濟艙/豪經艙,上面嘅offer先係優勢。如果你對上方的offer無感的話,咁不妨按番上一頁,真心無謂浪費時間。

如何多快好省地快跑星空聯盟金卡?韓亞航空俱樂部(Asiana Club) Diamond會籍

以切切實實用血與汗跑一張星空聯盟金卡嚟講,韓亞航空俱樂部(Asiana Club) Diamond會籍(對應為星空聯盟金卡)算係咁多張嚟講最易跑嘅。

佢嘅跑分條件為:

  1. 開卡日起24個月內飛行哩程達40000哩(包括星空聯盟成員航班);
  2. 或搭乘韓亞50次

續會條件為:

  1. 新階段開始日起計24個月內飛行哩程達30000哩(包括星空聯盟成員航班);
  2. 或搭乘韓亞30次

簡單啲講,兩年內乘搭星空聯盟成員航班就已經可以按Booking Class儲入里數,即係無論你搭新航、長榮、ANA也好,只要你儲到40000哩,就拎到星盟金卡。相對其他星盟航空公司,要指定自家航段去達特定哩數嘅要求嚟講,韓亞係容易好多。

韓亞有一個極大好處,就係星空聯盟成員哩程計算上,絕不會大幅度推低非自家航空公司嘅累積百分比。

舉一個最平最平的例子,如果你搭:

中國國際航空 (星空聯盟成員✅)
香港>北京>洛杉磯>北京>香港 (由中國國際航空銷售) (聯盟成員航班✅)
商務艙 Booking Class (去程:R;回程:Z✅)

韓亞嘅里程計算為:

R 去程累積哩數(110%):8176哩
Z 回程累積哩數(125%):9341哩

合共累積哩數:17517哩 (成本約$1.02HKD/1哩)

只要你兩年內在國航花費約四萬在美洲航線上,你就獲得星盟金卡一張。而繼後每年搭國航飛一次北美就可以續卡(假設所有設定不變),這樣子續星盟金卡其實好划算。

如何多快好省地快跑星空聯盟金卡?新加坡航空KrisFlyer Elite Gold會籍

不過,正所謂金卡都有親生仔之分,新加坡航空KrisFlyer Elite Gold帶到畀你嘅嘢,真係多過一張星盟金卡嘅。除咗之前一直講嘅星盟金卡優勢外,KrisFlyer Elite Gold仲會有埋:

  1. 維珍航空/維珍澳洲航空/印度Vistara航空貴賓室
  2. 獎勵旅程都有貴賓室權限(部分星盟航空公司會cut咗,新航真大方der)

不過老老實實,新航響Upgrade自家會員時,相比其他星盟航空公司係闊綽好多,尤其係KrisFlyer Elite Gold會員(當然PPS會員係最優先)。

但相對講句,新加坡航空KrisFlyer要做到金卡,正途上都唔係一件容易嘅事。首先,跑上金就要拎到75000哩數,而續會每年都要累積到50000哩數(包括聯盟航空公司),如果你飛商務艙其實要維持唔算困難(國航$0.95/里),不過佢衰又衰在星空聯盟成員哩程計算上,經濟艙大幅度推低咗累積百分比

咁又話多快好省地快跑星空聯盟金卡?

係呀,如果有美國運通白金卡,情況就唔同玩法。

我哋成日都叫佢做「外掛卡」,係因為佢外掛效能超乎想像,你估吓搭幾多次新航就拎到KrisFlyer Elite Gold?

係三次。

無論你深圳飛新加坡、曼谷飛新加坡、香港飛新加坡點飛都好,都係三次。

來回當兩次,飛一轉HKG/SIN/DPS來回已經夠數啦。

因為美國運通白金卡有個會員權益,就係對等香格里拉貴賓金環會翡翠會員,而金環會翡翠會員可以申請新加坡航空 KrisFlyer 金卡升級優惠,成功登記四個月內搭三次新加坡航空/任何艙等(不包括兌換機票)就可以獲取KrisFlyer Elite Gold會籍,唔洗跑75000哩咁多,如果你坐開商務艙,星航為星盟航空公司提供嘅哩程對應表比率都好吸引,續會唔算係太大問題。

如果你想睇番美國運通白金卡掛技功能,可以睇睇呢度

總結:香港跑到張星盟金又有咩用?

香港作為冇星盟本地航空公司,有張星盟金又有咩用呢?又唔可以咁講嘅,相比天合聯盟,星盟金響香港嘅貴賓室可謂幾吸引。

作為星盟嘅朋友,你可以試到新航銀刃貴賓室(香港/台北):新加坡航空銀刃貴賓室,香港嗰個十分出色就唔洗講啦,而仲可以離開桃園嗰個陽春到乜都冇嘅長榮航空The Star Lounge絕對可喜可賀。

第二選擇會係聯合航空貴賓室 (香港),質素中規中矩,係人比較少。或者對面的泰國航空皇家楓蘭貴賓室食泰式粉麵都唔錯。

但老實啦,畀我揀都會揀新航囉。

您可能也會喜歡…